नेपालका युवाहरूलाई सशक्त बनाउन मानसिक स्वास्थ्य सचेतना कार्यशाला

काठमाडौं। मे महिनालाई मानसिक स्वास्थ्यसम्बन्धी सचेतना फैलाउने महिनाका रूपमा लिइन्छ।

यो महिना पहिलो पटक सन् १९४९ मा संयुक्त राज्य अमेरिकामा ‘मेन्टल हेल्थ अमेरिका (एमएचए)द्वारा स्थापना गरिएको हो।

मानसिक सचेतना महिनाको उद्देश्य मानसिक स्वास्थ्यबारे जागरुकता फैलाउने, लाञ्छना हटाउने तथा मानसिक स्वास्थ्य प्रवर्द्धन गर्नु हो।

यस वर्ष एमएचएको नारासमेत ‘सचेतनालाई कार्यमा रूपान्तरण गरौं’ भन्ने रहेको छ। जसले संवादभन्दा अगाडि बढ्दै वास्तविक परिवर्तन आवश्यक रहेको कुरामा जोड दिएको छ।

यसै सन्दर्भमा, १७ मेमा काठमाडौंको बुद्धनगरस्थित एनजीओ महासंघको सभाहलमा ‘युवाका लागि मानसिक स्वास्थ्य र कल्याण’ सम्बन्धी एकदिवसीय कार्यशाला आयोजना गरिएको छ।

कार्यक्रम नेपाल युनाइट्स, युवा अभियान, एनजीओ महासंघ नेपाल, सोसियल इम्प्याक्ट र नेपाल डेभलपमेन्ट ईनिसियटिभ (एनईडीआई)को संयुक्त आयोजनामा भएको थियो।

कार्यक्रममा नेपालका सातै प्रदेशबाट ३० जना युवाहरूको सहभागिता रहेको थियो भने

कार्यक्रमको उद्घाटन सत्रमा एनजीओ महासंघ नेपालका अध्यक्ष अर्जुन भट्टराई, युवा अभियानकी सचिव सुष्मिता यादवले आफ्ना भनाई राखेका थिए।

पहिलो  क्यानडाबाट सहभागी निहाल कुमार सिंहले सञ्चालन गर्नुभएको थियो। ‘मिथक बनाम तथ्यहरू’ शीर्षकको अन्तरक्रियात्मक डिजिटल प्रस्तुति मेन्टिमिटर मार्फत प्रस्तुत गरिएको थियो। त्यसैगरी उनले मानसिक स्वास्थ्यको परिभाषा, सामना गर्ने रणनीतिहरू, अन्यलाई सहयोग गर्ने उपायहरु र परिवार तथा संस्कृतिको प्रभावजस्ता मुख्य अवधारणाहरूमा प्रकाश पारेका थिए।

त्यसैगरी कार्यक्रमको अर्को सत्रमा युवा अभियानका महासचिव योगेश काफ्लेले ‘आफ्नो भावनात्मक तापक्रम लिऔँ’ भन्ने छोटो गतिविधिबाट सुरु गरेको सत्रले विचार, भावना, र व्यवहारबीचको सम्बन्धलाई स्पष्ट गर्दै ‘नियमन क्षेत्र’ को रूपरेखा प्रस्तुत गर्यो।

कार्यक्रममा मनोविद् गोपाल ढकालले नेपालको मानसिक स्वास्थ्यको वर्तमान परिदृश्यमा चर्चा गर्दै राष्ट्रिय प्रवृत्ति, चुनौतीहरू, र सुधारका उपायहरू प्रस्तुत गरेका थिए।

कार्यशालाको समापनमा युवा अभियानका अध्यक्ष गंगा बहादुर गौतम (पवन) तथा नेपाल युनाइट्सका राष्ट्रिय निर्देशक मोहम्मद आयतुल्ला रहमानले समेत बोलेका थिए। दुबै वक्ताले परिवर्तनका उत्प्रेरकका रूपमा युवाको भूमिकामा जोड दिँदै समुदाय तथा नीतिगत स्तरमा पैरवी आवश्यक रहेको धारणा राखेका थिए।